荷蘭設計公司United Nude 設計出3D打印高踭鞋

• A A A

之前介紹過用3Ｄ打印機打咗件未來泳衣，今次又有另一間荷蘭設計公司United Nude設計咗一對用3Ｄ打印技術做嘅高踭鞋。

United Nude由於利用3Ｄ打印技術設計鞋而聲名大噪。今年仲同咗好多星級設計師如Zaha Hadid，Ross Lovegrove，Fernando Romero，Michael Young等合作設計3Ｄ打印鞋。United Nude設計總監話3Ｄ打印技術可以令佢地用更短嘅時間去發掘更多設計嘅可能性，同時亦唔會大大增加研發成本。

似乎3Ｄ打印技術係時裝界尤其係鞋方面越來越普遍。設計師 嘅創意思維結合3Ｄ打印技術將會帶來更多創意產品。