Lab人語錄系列一：如何選擇合適材料作3D打印

A A A

3D打印材料雖然有好多，但最常用嘅係有兩款，分別係ABS同PLA。以下會介紹一下ABS同PLA嘅特性及應用範圍：

PLA
PLA由玉米為主嘅材料所製成，佢比ABS同埋其他3D打印材料容易印好多。用PLA打印出來嚟嘅物件比ABS嘅較有光澤。PLA 打印材料的收縮率相對其他打印材料低，所以PLA唔容易會因為溫度改變而產生模形低部翹邊或收縮現象，較容易保持打印出嚟嘅品質，因而被廣泛使用，尤其適合用來打印低部面積大嘅3D模型。比起ABS，PLA更堅硬，但喺比較脆。所以將PLA製成嘅物件彎曲嘅時候，會較容易斷裂。PLA融點較低，所以用PLA打印出來嚟嘅物件要避免喺60度或以上嘅環境中使用，例如唔好將熱水倒入PLA做嘅容器裡面，否則容器會變軟。

ABS
ABS喺一種好常用嘅塑膠，例如LEGO玩具就喺用ABS製成。用ABS打印出來嚟嘅物件比PLA嘅較為啞色。由於ABS比起PLA 稍又彈性，所以即使承受某一個壓力也只會彎曲，唔會好似PLA容易折斷。ABS亦比PLA更加堅固，所以較適合用來打印功能性或機械部件例如手機保護殼、齒輪等等。ABS收縮率比PLA高，容易出現模形低部翹邊或收縮現象，所以打印時要更小心。ABS另外一個特性喺融點高，所以ABS嘅物件適合喺80℃或以下嘅環境中使用。另一方面，用ABS 3D打印嘅物件容易做表面光滑處理同上色甚至電鍍加工。