Lab人語錄系列二:究竟乜嘢係3D打印嘅 FFF 技術?

Lab人語錄系列二:究竟乜嘢係3D打印嘅 FFF 技術?

3D打印或3D Printing 啲個名稱大家一定唔會感到陌生,時不時都聽到有人講或者系報章雜誌見到,咁其實3D打印技術實質上係乜嘢同埋有冇局限性呢?

首先,3D Printing 技術有好幾種,而現時大家最多機會接觸到嘅3D Printing 技術係熔絲製造技術(FFF:Fused Filament Fabrication),所以以下會介紹一下熔絲製造技術包括其局限性。

熔絲製造技術(FFF)其實可以用擠牙膏去理解。擠嘅時候牙膏會整條擠出嚟,當你擠到好長嘅時候就可以將牙膏一層一層疊起嚟,而熔絲製造技術擠出嚟嘅係熱膠絲。當膠絲(打印所需材料)好有系統咁層層疊起嘅時候,就會形成一個立體形狀,亦即系我地打印嘅物件。

由於FFF技術係膠絲層層疊起嘅原理去打印物件,所以如果你仔細去望望用FFF技術打印出嚟嘅物件,你會見到物件表面有一條條橫紋(如下圖),呢啲橫紋就係膠絲層層疊起嘅結果。橫紋明不明顯好睇你想打印乜嘢質素,如果要求高質素,打印出嚟嘅橫紋就會更幼細,所以橫紋明顯度亦降低,當然打印所需時間就會更長。

 Lab人語錄系列二:究竟乜嘢係3D打印嘅 FFF 技術?

上圖:打印質素由低(最左)至高(最右)。打印質素越低,橫紋越明顯。

有人問可唔可以打印到好似玻璃面咁光滑,答案係唔可以嘅,不過可以通過後期加工製作做到光滑效果,至於點做?下次有機會再講。




Post a comment